2012年12月21日 星期五

懶理立會選舉結果 重金18萬月薪招攬 政府摑選民 委劉江華做副局

http://hk.apple.nextmedia.com/news/art/20121221/18109090

按此在新窗口浏览图片

【本 報訊】民建聯劉江華在今屆立法會選舉中慘敗,不少市民及網民歡呼「香港要贏,劉江華就要輸」!怎知特首梁振英無視劉不得民心,昨日公佈委任他做政制及內地 事務局副局長,劉薪酬更由原本做議員的8萬多,大幅跳升至18.3萬元。劉從政時與泛民「牙齒印」甚深,泛民更直言無法與他溝通,批評是次委任凸顯政府漠 視民意,等於「摑選民一巴」。
記者:陳雪玲

政府昨日公佈新一批副局長及政治助理,三個月前在立法會選舉敗陣的民建聯劉江華一如傳言,出任政制及內地事務局副局長,今天履新,而他已辭去該黨副主席及沙田區議員的職務,但仍保留黨籍。

人緣差 建制派對劉有保留

劉江華一直是政界「惹火」人物,出身民主派政黨港同盟的他1991年選立法局中,因出賣一同參選的黨友黃匡忠而遭紀律處分,事後他退出港同盟另組公民力量,1998年「投共」加入民建聯。

劉江華作風保守,在建制議員中有「左王」之稱,更是民建聯追擊泛民的「重炮手」,言行極具爭議,他於今年10月立法會落敗後,有大批市民自發到其辦事處慶祝,有人更高呼「香港要贏,劉江華就要輸」。

劉江華在政界中人緣麻麻,除了與泛民有「牙齒印」外,據了解連同屬建制陣營的議員都對他有保留;更甚者,有政府人士透露,劉任議員時與公務員「過招」十分「寸嘴」,故政府內部對他風評亦不佳。

民主黨主席劉慧卿批評,政府委任剛在立法會選舉落敗的劉江華出任副局長,做法猶如「摑香港選民一巴」:「劉江華輸咗個選舉,反映市民根本唔接受佢。」

公民黨湯家驊更笑言,劉江華負責推政改「死梗」。他又質疑,政府推副局、政助其中一個目的是培養政治人才,「梁振英係咪覺得劉江華仲未夠成熟,要再培訓呢?」新民主同盟范國威則質疑任命是政治酬庸,反映梁振英與民建聯私相授受。

不過,民建聯主席譚耀宗則形容讓劉江華加盟政府是「割愛」,工業界林大輝說相信劉是有能力的,但自言「做議員同做官係兩回事」。

此外,政府消息人士指,外界對劉有不同意見,是因他作為民建聯重炮手、辯論形象較鮮明是「角色需要」,相信他出任副局後能與不同黨派加強合作。本報昨致電劉江華,至截稿前未有回覆。

學者指外國絕不會這樣做

中大政治與行政學系副教授馬嶽分析:「外國國會議員落選係唔會出任內閣成員,因為佢冇民意授權,家港府搵個民意唔接受嘅從政者做高官,好奇怪囉。」

馬嶽又直言,由政治立場極保守的劉江華推政改只令人覺得「搞笑」:「你都唔會搵個經常破壞環境嘅人做環境局副局長啦!」


http://hk.apple.nextmedia.com/news/art/20121221/18109096

網民贈興 再度引發改圖洗版

【本 報訊】末日預言兌現!在立法會選舉落敗的民建聯劉江華,獲政府委任為政制及內地事務局副局長。向來以反骨聞名、落選當晚引來巿民在其辦事處外開香檳和安置 靈位熱烈慶祝的劉江華,未來3年將支取納稅人至少650萬公帑。昨委任消息一出,網上改圖紛至沓來,有網民讚揚瑪雅曆法成功推算末日來臨。若能順利捱過今 天,元旦日定必上街,又會響應不合作運動,少交10元稅款。

劉昨日獲委任消息傳出後,再次引發網絡洗版,全民上下一心改圖,先有呼籲巿民上街倒梁的「香港要贏」改圖,再有「肛華:『笑我落選?!我笑你哋,儍的嗎?』你吹呀?」等。

落選立會 過百人開香檳慶祝

今 年9月,劉江華成為民建聯14支參選隊伍中的唯一敗將,有網民成立「全港各界熱烈慶祝劉江華落選委員會」,到劉江華位於沙田隆亨村的議員辦祝捷,眾人自備 香檳、花生、音樂等,結果過百人出席「熱烈地彈琴熱烈地唱」,不少巿民特意吃「蛇齋餅、解穢宴」,有茶餐廳更為此實施晚餐「減六蚊」,與客人同樂。

劉曾是民主黨前身港同盟的成員,於沙田乙明村明恩樓互助委員會擔任義務秘書,獲當時村主席繆錦濤力撐,不少街坊因此為他助選。至91年,立法局選舉採用雙議席雙票制,劉江華與另一成員黃匡忠齊選新界東,劉未有呼籲街坊一人兩票,反而提出把選票全投給他。

九十年代初,劉退黨自立門戶,成立公民力量,九四年派黨友林康華參選乙明區議員時,攻擊行動不便的繆錦濤為「跛佬」,他其後再「變節」轉投親中親共的民建聯,並成為民建聯副主席。

「變色」後的劉江華有「左王」之稱,立法會審議截取通訊條例時,他曾揚言對泛民的修訂「一條修訂都不能通過」。他曾批評泛民辭職搞五區公投浪費公帑,如今為做局長又辭去區議員職位要再搞補選。


http://hk.apple.nextmedia.com/news/art/20121221/18109410

門常開:大話英帝國勵志故事
睇完欲哭無淚


按此在新窗口浏览图片

2012年12月21日,相傳係世界末日,喺人心大亂之際,爽仔想講一個香港仔奮鬥成為「大話英帝國」猛將嘅勵志故事。

話說55年前,有個哨牙老竇生咗個哨牙仔,佢叫做劉江華,眼細但睇通世事,有着數都逃唔過佢嘅法眼;佢原本為人師表,但小小嘅教室點困住佢嘅超班口材?江華仔喺80年代從政,做沙田乙明邨區議員,當時係民主黨前身嘅港同盟成員。

到咗1991年,「政壇劉華」同阻頭阻勢嘅黨友起衝突,佢受處分時唔忿氣,索性退黨保平安,創立公民力量自己話晒事。

按此在新窗口浏览图片
【劉江華投英之路】1957年哨牙仔(箭嘴示)出世

按此在新窗口浏览图片
【劉江華投英之路】1981年留學英國

按此在新窗口浏览图片
【劉江華投英之路】80年代從政,為港同盟成員

月薪8萬變近20萬
1997年港英年代終結,劉江華知道搞民主冇發達,1998年加入最有前途嘅民建聯,贏得「政治變色龍」嘅美譽,之後每屆立法會都連任,2008年更加成為全港票王,帶埋同黨嘅陳克勤入局,同時仲係行政會議成員兼區議員,威過真正劉華。

2012年係大話英元年,劉江華以「香港要贏」口號出選立法會落敗,膚淺嘅網民以為佢唔夠票墮馬,成立「全港各界熱烈慶祝劉江華落選委員會」,帶埋花生同香檳去佢辦事處唱「熱烈地彈琴熱烈地唱」,懵然不覺前所未有嘅風暴已經殺到嚟。

狼 英一向同民意作對,政府噚日宣佈劉江華入籍「大話英帝國」,盛讚佢係政治人材,今日末日開始做政制及內地事務局副局長。劉江華唔撈月薪8萬嘅立法會議員, 揀咗月薪近20萬嘅副局長,做四年半,納稅人就要向佢進貢過千萬公帑,遲啲升做局長同司長會搵得更多。所以話,輸到雙失都變贏開巷,只有劉江華!

劉江華已經辭去咗沙田區議員同埋民建聯副主席嘅職位,但係仍然保留黨員身份,民建聯主席譚耀宗盛讚劉江華好有貢獻,形容係「割愛」。網民聽到之後都覺得好感動,呼籲大家元旦出嚟遊行,要求民建聯回收劉江華作私人用途,咪出嚟獻世。
吳爽

按此在新窗口浏览图片
【劉江華投英之路】1998年轉投民建聯出戰立法會

按此在新窗口浏览图片
【劉江華投英之路】2012年參選立會落敗

http://hk.apple.nextmedia.com/news/art/20121221/18109098

比左派更左 無助行政立法關係

【拆局】
政府昨任命劉江華任政制及內地事務局副局長,不但引來泛民立法會議員強烈不滿,連建制派中人及公務員也不看好,直言劉做副局長不但無助現政府改善行政立法關係,更擔心會令公眾對政府負面感覺進一步惡化。

「情願佢唔好出聲」

有公務直言劉「左王」、「打手」形象太深入民心,就算政府內部也對其觀感不佳,指他有時較傳統左派人士更左,「好多時情願佢(劉江華)唔好出聲幫政府,怕佢越幫越忙」。更有官員私下指劉在官場中評價不佳,他出任行會成員亦不見有突出表現,認為劉非副局長合適人選。

不 過更令官員擔心的是,現時政府民望及支持度已十分低,劉又是充滿爭議性的政治人物,找他加入政府,「不但唔會加分,反而會減分」。更有公務員不諱言,現政 府需要的,就是如陸恭蕙般可以提升市民對政府信心的人,而非一個「負資產」,「睇唔到劉江華可以幫到(局長)譚志源,反而會為佢樹立更多敵人」,對改善行 政立法關係更加沒作用,只會令局方爭取立會支持更困難。
《蘋果》記者

沒有留言:

張貼留言